Stord Rotary klubb utdanningsstipend
Målet er å stimulera til aktivitet som vil vera til nytte for å få til eit meir variert yrkesliv i Sunnhordland. Stipendet kan søkjast av ungdom frå Sunnhordlandsregionen som er under høgskule/ universitetsutdanning. Andre som er yrkesaktive og driv utviklingsarbeid i tråd med intensjonane i dette stipendet kan også søkja. Årleg kan det bli utdelt 1 utdanningsstipend på kroner 25.000. Stipendet skal nyttast til å skaffa kunnskap som er tenkt brukt til å starta eiga verksemd eller vera med å bidra til etablering av ny verksemd eller vidareutvikling av allereie eksisterande verksemd i området. Den som får tildelt stipend må rapportera og delta i aktivitet som kan bidra til å spreia kunnskap om arbeidet sitt til andre. Ei gruppe vurderer søknadane og plukker ut vinnaren. Det vil bli lagt vekt på kva planar søkjaren har med omsyn til bruk av midlane.